A ƙarshen makon da ya gabata, Tottenham Hotspur ta liƙawa United ci guda a karawar da suka yi, abinda ya bata maki 3 na wasan.
Wannan koma bayan da United ke samu, ya mayar da ita matsayi na 15 a gasar Firimiya, saɓanin matsayi na 14 da ta riƙe lokacin da ta kori tsohon manajanta Erik ten Hag.
Wannan rashin nasara na ci gaba da tada hankalin 'yan wasan ƙungiyar da mai horar da ita Ruben Amorim da aka ɗauko domin dawo da ƙimar ƙungiyar.
Su ma magoya bayan ƙungiyar ta Manchester a duniya na can sun rasa abin faɗa a mahawarar da ake yi tsakanin masu sha'awar ƙwallon ƙafa.
Tuni wasu suka fara bayyana fargabar faɗuwa zuwa mataki na ƙasa a ƙarshen wannan kakar muddin ba'a samu sauyi ba.
Rabon Manchester United da faɗuwa daga matakin farko tun daga shekarar 1974, yayin da kama aikin Sir Alex Ferguson a ƙungiyar ya taimaka mata wajen zama gagarabadau a Ingila da Turai wajen lashe tarin kofuna.
Wasu abokan wasan ƙungiyar na yiwa magoya bayan ta shaguɓen cewar, ƙungiyar ta su ta zama 'ƙyanwar yaya Lami'.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da muKu saurari dukannin labaran duniya ta hanyar sauke man hajar RFI
