Jirgi mai saukar ungulu ya fado tare da kashe mutum biyu a Yukiren

Mutane 2 sun mutu sakamakon hatsarin jirgin sama mai saukar ungulu na "MI-2" a yankin Nikolayevsk dake kasar Yukiren.

A cewar bayanin da Hukumar Bayar da Agajin Gaggawa ta Yukiren ta yi, jirgin mai saukar ungulu na "MI-2" ya fadi a kusa da kauyen Zayve da ke yankin Nikolayevsk.

Matukin jirgin da mataimakinsa sun mutu sakamakon fadowar jirgin sama mai saukar ungulu da ya kama da wuta.

Ana binciken musabbabin hatsarin.